JOKAMOLDEAK

JOKAMOLDEAK:

Lehen aipatu dugun bezala, Arrateko pilotalekuak historia asko du, beraz, urte askotan zehar Euskal pilotan jokatzeko erabilia izan da. Dokumentazioak erakutsi digun bezala, frontoi honetan jokamolde mota gutxira jokatu da. 

Hala ere, argi utzi behar da, txapelketeri dagokionez, guztiak esku pilotakoak izan direla. Konkretuagoak izateko, aurkitu izan dugunaren arabera, eskuz jokatu izan da 2:2 egoeran, hau da, binaka. Datu hau oso kuriosoa da, izan ere, lehen aipatu dugun bezala, frontoi estu eta nahiko txikia delako, baina hala eta guztiz ere txapelketak binaka izaten dira.

Bestalde, ezin dugu beti errendimenduaren adarretik joan. Horregaitik azpimarratu behar da, eskuz jokatzeaz aparte, gomazko paletarekin ere jokatzen dela. Izan ere, dokumentazioaren bila joan ginen egunean, 50-60 urte inguruko bi gizon aurkitu genituen palarekin jokatzen. Nahiko kuriosoa iruditu zitzaigun hau eta galdetzea erabaki genuen. Bi gizonek adierazten ziguten, batez ere igande goizetan arazoak egoten zirela frontoia libre aurkitzeko, jende asko palan jokatzera igotzen zelako. Beraz, pala gutxienez, aisialdiaren barnean nabarmenduko genuke. Gizonek esan ziguten bezala, Arrateko frontoira gerturatzen ziren gehiengoak palan aritzen direlako.